მაილიფტის ვებ-გვერდისა და აპლიკაციის გამოყენების წესები და პირობები

წინამდებარე წესები და პირობები წარმოადგენს შპს „კაია"-ს (მაილიფტი) ვებ-გვერდისა და აპლიკაციის გამოყენების წესებსა და პირობებს (შემდგომში, „წესები და პირობები"). მათზე დათანხმებით, თქვენზე გავრცელდება აღნიშნული წესებისა და პირობების მოქმედება.

იმ შემთხვევაში თუ თქვენ არ ეთანხმებით წესებსა და პირობებს და არ გსურთ, რომ თქვენზე გავრცელდეს, არ დააჭიროთ დათანხმების ღილაკს და არ გამოიყენოთ ვებ-გვერდსა და აპლიკაციაში განთავსებული ჩვენი სერვისები.

მუხლი 1. ტერმინთა განმარტება

თუ თავად ტექსტიდან პირდაპირ სხვაგვარად არ გამომდინარეობს, წინამდებარე წესებსა და პირობებში გამოყენებულ ტერმინებს აქვთ შემდეგი მნიშვნელობა:

მაილიფტი ან კომპანია
საქართველოს კანონმდებლობის შესაბამისად დაფუძნებული კომპანია, შპს კაია (ს/ნ 400188257)

ვებ-გვერდი
მაილიფტის ვებ-გვერდი www.mylift.ge

აპლიკაცია
მობილური მოწყობილობებისთვის განკუთვნილი მაილიფტის აპლიკაცია

პლატფორმა
შპს „კაიას" ვებ-გვერდი ან/და აპლიკაცია

მომხმარებელი
მაილიფტის აქტიური აბონენტი, ფიზიკური პირი, რომელიც რეგისტრირებულია მაილიფტის პლატფორმაზე

ანგარიში
პლატფორმაზე მომხმარებლის პირადი სივრცე, რომელიც ასახავს წინამდებარე წესების და პირობების 3.4 პუნქტით განსაზღვრულ ინფორმაციას

ბინათმესაკუთრეთა ამხანაგობა / ამხანაგობა
ბინათმესაკუთრეთა ამხანაგობა, რომლის წევრიც არის მომხმარებელი და რომელსაც მაილიფთთან დადებული აქვს მომსახურების ხელშეკრულება

ძირითადი ხელშეკრულება
მომსახურების ხელშეკრულება, რომელიც დაიდო მაილიფტსა და ბინათმესაკუთრეთა ამხანაგობას შორის, რომლის წევრიც არის მომხმარებელი

მუხლი 2. მხარეები

წესები და პირობები არეგულირებს მაილიფტის ვებ-გვერდისა და აპლიკაციის (პლატფორმის) გამოყენებას მომხმარებლის მიერ. წესებსა და პირობებზე დათანხმებით მომხმარებელი ხდება წინამდებარე წესების და პირობების მხარე და მას წარმოეშვება წესებითა და პირობებით გათვალისწინებული უფლებები და ვალდებულებები.

მუხლი 3. პლატფორმა

3.1 პლატფორმით სარგებლობა შესაძლებელია მასზე რეგისტრაციის გავლის შემდეგ, რაც ხორციელდება შესაბამის სარეგისტრაციო გვერდზე შესაბამისი ინფორმაციის მითითებითა და წესებსა და პირობებზე დათანხმებით.

3.2 მაილიფტის პლატფორმაზე რეგისტრაციისას მომხმარებელმა უნდა მიუთითოს თავისი აბონენტის ნომერი, ტელეფონის ნომერი და სხვა ინფორმაცია, რომელიც შეიძლება საჭირო იყოს მომხმარებლისთვის სერვისის სრულფასოვნად მიწოდებისთვის.

3.3 პლატფორმაზე რეგისტრაციის გავლის შემდეგ იქმნება მომხმარებლის ანგარიში. საკუთარი ანგარიშის დაცვას მომხმარებელი უზრუნველყოფს მის მიერ განსაზღვრული პაროლით. პაროლს მაილიფტის პლატფორმის სისტემა ინახავს დაშიფრული სახით, შესაბამისად პაროლი არ არის ხელმისაწვდომი კომპანიისთვის. მაილიფტი არ არის პასუხისმგებელი მომხმარებლის მიერ თავისი პაროლის სხვა მესამე პირისთვის გაზიარების შედეგებზე.

3.4 მომხმარებლის ანგარიშში შესვლით მომხმარებელს შეუძლია დაინახოს:
- მის მიერ რეგისტრაციისას მითითებული პერსონალური ინფორმაცია;
- მიმდინარე ბალანსი;
- ბოლო ტრანზაქციების ისტორია;
- მიმდინარე დავალიანება (არსებობის შემთხვევაში);
- ამხანაგობის ბალანსი და ფინანსური სტატისტიკა;
- ამხანაგობის აქტიური და არააქტიური წევრების შესახებ ინფორმაცია;
- ლიფტის დისტანციური მართვის ფუნქცია (შესაბამისი სერვისის შემთხვევაში).

3.5 პლატფორმის მეშვეობით მომხმარებელმა შეიძლება განახორციელოს:
- ბალანსის შევსება;
- ლიფტის წვდომის კარტის მართვა;
- ლიფტის დისტანციური გახსნა (შესაბამისი სერვისის შემთხვევაში);
- ინფორმაციის მიღება მომსახურებაში ცვლილებების შესახებ.

3.6 მომხმარებელი აცნობიერებს, რომ ბალანსის შევსებისას გამოიყენება საბანკო საკომისიო 2%-ის ოდენობით, რომელსაც ახორციელებს მომსახურე ბანკი.

3.7 მომხმარებელი ვალდებულია პლატფორმაზე რეგისტრაციის დროს მიუთითოს სწორი ინფორმაცია. მაილიფტი უფლებამოსილია, მაგრამ არ არის ვალდებული გადაამოწმოს მომხმარებლის მიერ მითითებული ინფორმაციის სიზუსტე.

მუხლი 4. პასუხისმგებლობის შეზღუდვა

მაილიფტის პასუხისმგებლობა გამორიცხულია:

4.1 თუ მომხმარებელი თავად გადასცემს მესამე პირ(ებ)ს პლატფორმაზე შესვლისთვის საჭირო მონაცემებს;

4.2 მომხმარებლის მიერ შეცდომით განხორციელებული ტრანზაქციისთვის;

4.3 ნებისმიერ ზიანზე, რაც გამოწვეულია მაილიფტისგან დამოუკიდებელი ხარვეზის, კომპიუტერული ვირუსის ან სისტემის გაუმართაობის შემთხვევაში;

4.4 თუ ვებ-გვერდსა ან/და აპლიკაციაზე წვდომა შეუძლებელია ტექნიკური შეფერხების ან მაილიფტისგან დამოუკიდებელი სხვა მიზეზით.

მუხლი 5. ვებ-გვერდის და აპლიკაციის გამოყენების ზოგადი წესები

5.1 ვებ-გვერდსა და აპლიკაციაში მითითებული ინფორმაცია განკუთვნილია მხოლოდ მომხმარებლების პირადი გამოყენებისთვის.

5.2 მომხმარებელი აცნობიერებს, რომ პლატფორმაზე მისთვის ხელმისაწვდომი ინფორმაცია წარმოადგენს კონფიდენციალურ ინფორმაციას და იღებს ვალდებულებას დაიცვას მისი კონფიდენციალურობა.

5.3 მომხმარებელს ეკრძალება მაილიფტის პროგრამული კოდის დეკომპილაცია ან სხვა ქმედებები, რომლებიც მიმართულია კოდის გაგებისკენ, გარდა კანონმდებლობით დაშვებული შემთხვევებისა.

5.4 პლატფორმით სარგებლობისას სასტიკად აკრძალულია ცილისმწამებლური კონტენტის განთავსება, სიძულვილის ენით საუბარი, ან ნებისმიერი პირის უფლების შემლახავი ინფორმაციის გავრცელება.

5.5 იმ შემთხვევაში, თუ კომპანიას შეექმნება გონივრული ეჭვი თაღლითური ან არაავტორიზებული ტრანზაქციის განხორციელებაზე, მაილიფტი უფლებამოსილია დროებით დაბლოკოს შესაბამისი ანგარიში.

მუხლი 6. პერსონალური მონაცემები

6.1 მაილიფტი იღებს ვალდებულებას დაიცვას პლატფორმაზე მომხმარებლის მიერ მითითებული პერსონალური მონაცემები და დაამუშავოს ისინი საქართველოს კანონმდებლობით გათვალისწინებული წესით.

6.2 მომხმარებელი აცნობიერებს, რომ ამხანაგობის გამჭვირვალობის უზრუნველსაყოფად, მისი სახელი/გვარი და ბინის ნომერი შეიძლება ხელმისაწვდომი იყოს ამხანაგობის სხვა წევრებისთვის. წესებსა და პირობებზე დათანხმებით მომხმარებელი ეთანხმება აღნიშნულს.

6.3 წესებსა და პირობებზე დათანხმებით მომხმარებელი აცხადებს თანხმობას მიიღოს მაილიფტისგან შეთავაზებები და ინფორმაცია მის საკონტაქტო მონაცემებზე.

მუხლი 7. თანხის დაბრუნების პოლიტიკა

7.1 ბალანსზე შეტანილი თანხის დაბრუნება შესაძლებელია მხოლოდ შემდეგ შემთხვევებში:

ა) მომხმარებელმა შეცდომით განახორციელა გადახდა და თანხა ჯერ არ არის გახარჯული;

ბ) მომხმარებელი წყვეტს მაილიფტის სერვისით სარგებლობას — დაბრუნდება ბალანსზე დარჩენილი გამოუყენებელი თანხა.

7.2 თანხა არ ბრუნდება უკვე გახარჯულ ნაწილში, საბანკო საკომისიოს (2%) ნაწილში და გადახდიდან 12 თვის გასვლის შემდეგ.

7.3 დაბრუნების მოთხოვნით მომხმარებელი მიმართავს მაილიფტს ელ-ფოსტით (info@mylift.ge) ან ტელეფონით (599 311 447). განცხადებაში მითითებული უნდა იყოს: აბონენტის ნომერი, ტრანზაქციის თარიღი, თანხა და დაბრუნების საფუძველი.

7.4 მაილიფტი მოთხოვნას განიხილავს 10 სამუშაო დღის განმავლობაში. დაბრუნება ხდება იმავე გადახდის მეთოდით, რომლითაც განხორციელდა გადახდა.

მუხლი 8. მარეგულირებელი სამართალი და დავების გადაწყვეტა

8.1 წესები და პირობები განიმარტება და რეგულირდება საქართველოს კანონმდებლობის შესაბამისად.

8.2 წესებიდან და პირობებიდან გამომდინარე ნებისმიერი უთანხმოება მხარეებს შორის უნდა გადაწყდეს მოლაპარაკების გზით. შეუთანხმებლობის შემთხვევაში, დავა გადაეცემა საქართველოს უფლებამოსილ სასამართლოს.

8.3 საკონტაქტო ინფორმაცია: info@mylift.ge | 599 311 447 | www.mylift.ge

მუხლი 9. ცვლილებების განხორციელება

9.1 მაილიფტი იტოვებს უფლებას ცალმხრივად შეიტანოს ცვლილებები წესებსა და პირობებში. ცვლილებები ავტომატურად განთავსდება კომპანიის ვებ-გვერდსა და აპლიკაციაში.

9.2 ცვლილებების შესახებ ინფორმაცია მომხმარებლისთვის ხელმისაწვდომი იქნება პლატფორმაზე სპეციალური შეტყობინების გზით, ცვლილებების ძალაში შესვლამდე სულ მცირე 2 კვირით ადრე.

მუხლი 10. გარდამავალი დებულებები

10.1 წესებსა და პირობებზე დათანხმებით, მომხმარებელი ადასტურებს, რომ წესები და პირობები შედგენილია მისთვის გასაგებ ენაზე და იგი სრულად აცნობიერებს აღნიშნულით დადგენილი ნორმების შინაარსს.

10.2 კომპანია იტოვებს უფლებას ცალმხრივად შეაჩეროს ან შეწყვიტოს პირის რეგისტრაცია, თუ ჩათვლის, რომ ის არასწორად ან წინამდებარე წესების დარღვევით მოქმედებს.

10.3 წესებისა და პირობების ცალკეული ნაწილების ბათილობა არ იწვევს მთლიანი დოკუმენტის ან მისი სხვა ნაწილების ბათილობას.

10.4 მომხმარებლის მიერ მითითებული ინფორმაციის ცვლილების შემთხვევაში, მომხმარებელი ვალდებულია დაუყოვნებლივ აცნობოს კომპანიას: info@mylift.ge

მუხლი 11. ინტელექტუალური საკუთრება

მომხმარებელი არ არის უფლებამოსილი გაავრცელოს, სხვას გადასცეს ან მოახდინოს რეპროდუცირება კომერციული მიზნებისთვის მაილიფტის ვებ-გვერდის/აპლიკაციის სტრუქტურა, გამოსახულება და დიზაინი, მაილიფტის წინასწარი წერილობითი თანხმობის გარეშე.